Gi un tiempo, guåha un taotao na mampos metgot
fuetsåña gi ya islan Guåhan. Si Masåla na
taotao, mampos matåtnga, metgot, yan kapås ni para
u a'ñåo maseha håyi na taotao ni sumasaga gi i
tano. Un dia, mañågu i asaguaña lahi na
påtgon, ya si Masåla mampos magof yan banidosu. Ha
konne' i neni ya duru mama'nu'nu'I todu i taotao siha.
Anai mu la'amko i påtgon, sigi ha tumaiguihi as
tatåña ni i metgotña, matatngaña, yan
kapås ni para u åñao todu i lalåhi gi i
sengsong. I mas sinilo' gi todu, a chule' todu i atension
gi as tatåña. Si Masåla a nota este ya ti
kontento ni i lahiña kada dia.
Un dia, anai dos åños i lahin Masåla, mañodda uno na ayuyu ya humunugågåndo put oras yan i ga'ga'. Ha gof guaiya humugåndo yan i ayuyu, ya ti a ripara na abandonå i ga'ga' i patgon, ya humalom gi i maddok gi fi'on i trongkon niyok. Anai a ripara i påtgon na humalom i ayuyu gi i maddok, a kechagi mulaknos gi i hoyu ni metgotña. Mampos ma'gat ni para u konne' i ga'ña ayuyu. I påtgon ni hai doti i fuetsåña, i minetgotña ginen as tatåña, ha bo'ok i trongkon niyok gi hi tano, ya ha li'e' este si Masåla i bidaña, ha embidia i låhiña ya nina lokklok i håga'ña. I tatan i påtgon, ti a ripara hafa bidådaña, malålågu yan hu maessalåo ni i bubuña gi i låhiña, ya ha dúlalak i påtgon sa guåha kontråruña gi i tano. Lemlem i påtgon ni as tatåña ya i lekña gi ya guiya, håfa na taguini si tatåhu aksionña? Este na hoben påtgon, ginen un tiempo mampos banidoso si tatåña ni guiya, dididé tiningoña put si tatåña na para hu bira gue ya hu kontrå gue.
I påtgon tuma'yok hulo ya malå'gu chaddek para i
gråtes lågun i isla. Ha chule' uno na dangkulo na
goppe diste i paderón ya oggan gi ya Luta na isla.
Este na isla, kuårenta miyas diste Guåhan.
Diste på'go, siña un li'e' este i råstroña na påtgon. Ma ågang este na lugåt, "PUNTAN PåTGON."